Azərbaycanda radikalizm və ekstremizmin bazası yoxdur, belə qruplaşmalar mövcud deyil – Komitə

0
52

Azərbaycanda radikalizm və ekstremizmin bazası yoxdur, belə qruplaşmalar ölkəmizdə mövcud deyil

Trend-in məlumatına görə, bunu jurnalistlərə açıqlamasında Dini Qurumlarla İş üzrə Dövlət Komitəsinin sədr müavini Səyavuş Heydərov deyib.

Onun sözlərinə görə, Azərbaycanda dini durum sabitdir: “Dövlətin qayğısı bu sahəyə kifayət qədərdir. Dini etiqad azadlığı qorunur, bütün inanclı insanların ibadətini həyata keçirməsi üçün şərait yaradılıb. Bunun sayəsində də ölkəmizdə mükəmməl dini birlik mövcuddur”.

Sədr müavini bildirib ki, dünyanın bir çox ölkələrində multikulturalizm iflasa uğrayıb: “Onun yerini radikal tendensiyalar, qruplaşmalar tutacaq. Bu da dövlətlərin təhlükəsizliyi üçün ciddi təhdidə çevriləcək. Ona görə də Azərbaycanda görülən bu işlər kifayət qədər əhəmiyyət kəsb edir. Buna dünya birliyi tərəfindən yüksək qiymət verilir. Dünyadakı çağırışlara nəzərə salsaq görərik ki, Azərbaycan dünyada sülhün bərqərar olması üçün çox faydalı işlər görür. Azərbaycanın bu səyləri dünyada tarixi hadisəyə çevriləcək”.

S. Heydərovun sözlərinə görə, Azərbaycana dini müstəvidə təhdidlər çox güclüdür: “Əgər əvvəllər siyasi müstəvidə təhdidləri görürdüksə, indi dini müstəvidə bunun şahidi oluruq. Fürsətdən istifadə edərək yad ideologiyaları Azərbaycana ixrac etməyə çalışırlar. Ona görə də hər Azərbaycan vətəndaşı milli-mənəvi dəyərləri mənimsəməli, öyrənməli və öz həyatına tətbiq etməlidir”.

BİR CAVAB YAZIN

Şərhinizi daxil edin
Adınızı daxil edin