MDB ölkələrinin ekspertləri əməkçi miqrantların mütəşəkkil toplanması məsələlərini müzakirə ediblər

0
45

Sentyabrın 9-da Minskdə, MDB İcraiyyə Komitəsində MFB-nin iştirakçısı olan ölkələrin vətəndaşlarının Birliyin hər hansı ölkəsinin ərazisində müvəqqəti əmək fəaliyyəti ilə məşğul olmaları üçün mütəşəkkil toplanması və cəlb edilməsi barədə Saziş layihəsinin nəzərdən keçirilməsi üzrə ekspert işçi qrupunun iclası keçirilib.
AZƏRTAC MDB İcraiyyə Komitəsinin mətbuat xidmətinə istinadla xəbər verir ki, görüşdə ekspertlər Sazişin mətninə üzv ölkələrdən daxil olmuş irad və təklifləri nəzərdən keçiriblər, sənədi təkmilləşdirərək razılaşdırıblar.
İclasın yekun materiallarının MDB ölkələrinin Əmək, Miqrasiya və Əhalinin Sosial Müdafiəsi üzrə Məsləhət Şurasının üzvlərinə və Şurada müşahidəçi qismində iştirak edənlərə göndərmək və çoxtərəfli hökumətlərarası saziş formatında sənəd layihəsi barədə məsələni Şuranın növbəti iclasına çıxarmaq qərara alınıb. 
Saziş layihəsi başqa dövlətin ərazisində iş axtarışında olan miqrantlara yardım sisteminin yaradılmasına yönəldilib. Bunlar miqrantların məlumatlandırılması, peşə hazırlığı, seçilməsi, onların vətənə göndərilməsi, yəni hazırda dünyada bir çox ölkələr tərəfindən reallaşdırılan müəyyən məsələlər kompleksi ilə bağlıdır. Miqrantların mütəşəkkil toplanması onların işə düzəlməsinin yetərincə geniş yayılmış formasıdır. Saziş layihəsi maliyyə məsələlərini əhatə etmir, çünki onun əsas məqsədi təşkilati məsələdir. Sənəd miqrantlar üçün iş seçilməsi, onların immiqrasiyadan əvvəlki hazırlıq səviyyəsi, mütəşəkkil seçilməsi və işə düzəlməsi prosesinin işıqlandırılması sahəsində Birlik ölkələrinin səlahiyyətli orqanlarının qarşılıqlı fəaliyyətinin yeni istiqamətlərini nəzərdən keçirir.
Sənədin icrası MDB-nin iştirakçısı olan dövlətlərdə işçi qüvvəsinin təşkil edilməsi, tənzimlənməsi, mübadiləsi və ondan rasional istifadə olunması üçün hüquqi və institusional şəraitin yaradılmasına, habelə hər bir dövlətin milli əmək bazarının sosial-iqtisadi maraqları və tələbləri nəzərə alınmaqla, işçi qüvvəsinin Birlik ölkələri ərazilərində sərbəst yerdəyişməsinə kömək edəcək.

BİR CAVAB YAZIN

Şərhinizi daxil edin
Adınızı daxil edin