Əsas səhifə Cəmiyyət “İqlim dəyişmələrinin su ehtiyatlarına təsiri, su ilə bağlı problemlər, maarifləndirmə və həyata keçirilən layihələr” mövzusunda iyul-avqust aylarında məktəblilərlə vebinarlar

“İqlim dəyişmələrinin su ehtiyatlarına təsiri, su ilə bağlı problemlər, maarifləndirmə və həyata keçirilən layihələr” mövzusunda iyul-avqust aylarında məktəblilərlə vebinarlar

admin
829 Oxunub

BMT İP, Ekologiya və Təbii Sərvətlər Nazirliyi və Təhsil Nazirliyi Respublika Uşaq-Gənclər İnkişaf Mərkəzinin birgə təşkilatçılığı ilə “İqlim dəyişmələrinin su ehtiyatlarına təsiri, su ilə bağlı problemlər, maarifləndirmə və həyata keçirilən layihələr” mövzusunda iyul-avqust aylarında məktəblilər üçün hər şənbə günü ümumilikdə dörd vebinar keçirilir. Vebinarlarda Ekologiya və Təbii Sərvətlər Nazirliyi və Təhsil Nazirliyi Respublika Uşaq-Gənclər İnkişaf Mərkəzinin yüksək səviyyəli ekspertləri dörd ayrı mövzu ilə çıxış edirlər.

Vebinarlar onlayn və canlı sosial şəbəkədə yayımlanır və maraqlanan uşaqlar qeydiyyatdan keçərək qoşula bilirlər. Bakı şəhəri üzrə 30 ümumtəhsil müəssisəsi və 21 regional Uşaq-Gənclər İnkişaf Mərkəzinin ümumilikdə 200-dən çox dərnək üzvü ilə birgə ekoklub dərnək rəhbərləri iştirak edir.
Onlayn tədbirin əsas məqsədi insan həyatı və sağlamlığı, öncəliklə də uşaqların həyatının və sağlamlığının mühafizəsi üçün ən əhəmiyyətli məsələlərdən biri olan təmiz su və onun istifadəsi, iqlim dəyişmələrinin su ehtiyatlarına təsiri, Azərbaycanda mövcud su ehtiyatı bağlı problemləri məktəblilər arasında müzakirə mövzusuna çevirmək və maarifləndirmə işini təşkil etmək, eyni zamanda ekoloji profilli dərnək rəhbəri və müəllimlərin müvafiq mövzularda bilik və bacarıqlarının təkmilləşdirilməkdir.

lk vebinar 18 iyul tarixində keçirilib və 8 avqust tarixində yüksək səviyyədə keçiriləcək layihənin rəsmi bağlanışı və aktiv məktəblilərin su ilə bağlı layihələrinin qaliblərinin təltif edilməsi mərasimi nəzərdə tutulur.
Bugünə qədər keçirilən üç vebinarda “Su probleminin yaranma səbəbləri”, “İqlim dəyişmələrinin su ehtiyatlarına təsiri”, “Maarifləndirmə: amalımız-sudan qənaətlə istifadədir!” mövzularında Ekologiya və Təbii Sərvətlər Nazirliyindən Umayra Tağıyeva, Faiq Mütəllimov , Rafiq Verdiyev, İradə İbrahimova, su problemləri üzrə müstəqil ekspert Rövşən Abbasov, KİV nümayəndəsi Orxan Kərimov, BMT İP Baş Proqram müşaviri Çingiz Məmmədov, BMT-nin İqlim dəyişmələri üzrə konvensiyasına Dördüncü Milli Məlumatın hazırlanmasına texniki yardım” layihə asitenti Elana Əlizadə və Təhsil Nazirliyi Respublika Uşaq-Gənclər İnkişaf Mərkəzinin direktoru Firuzə Sultan-zadənin iştirakı ilə vebinarlar keçirilib. 8 avqust tarixində “İqlim dəyişmələrinin su ehtiyatlarına təsiri, su ilə bağlı problemlər, maarifləndirmə və həyata keçirilən layihələr” mövzusunda vebinarların rəsmi bağlanış və təltif etmə mərasimi keçirələcək.


Hər 4 vebinarda iştirak edən uşaqlara BMT İP, Ekologiya və Təbii Sərvətlər Nazirliyi və Təhsil Nazirliyi Respublika Uşaq-Gənclər İnkişaf Mərkəzinin birgə sertifikatı veriləcək.

Rəy bildir

two × three =


Notice: ob_end_flush(): failed to send buffer of zlib output compression (1) in /hostimul/itovsrms/public_html/wp-includes/functions.php on line 4609

Notice: ob_end_flush(): failed to send buffer of zlib output compression (1) in /hostimul/itovsrms/public_html/wp-includes/functions.php on line 4609